Leita í fréttum mbl.is

CCP innleiðir Windows 7

Tölvuleikjafyrirtækið CCP hefur hafið innleiðingu Windows 7 starfsmönnum til óblandinnar ánægju.  Microsoft á Íslandi segir frá því á vef sínum, þar sem sagt er frá reynslusögum viðskiptavina.

Í samtali við Microsoft á Íslandi segir Ian O'Brien kerfisstjóri hjá CCP:

Hraðari ræsing, hraðari vinnsla, færri vandamál og auðveldari vinna starfsfólks í stýrikerfinu – allt leiðir þetta til að sekúndur og mínútur sem áður fóru í bið eða fleiri aukahandtök græðast. Þetta safnast saman yfir daginn og þegar fyrirtækið er fjölmennt er um verulegan tíma að ræða. Svo bætist við að ég sem kerfisstjóri þarf að glíma við færri vandamál tengd stýrikerfum starfsmanna og get unnið mín verkefni hraðar. Ávinningurinn er því augljós.

Eins og gefur að skilja er mikilvægt að tölvukostur starfsmanna CCP sé sem öflugastur, enda vinna þeir daglega við verkefni á borð við forritun, hugbúnaðarprófun, þrívíddarhönnun og tölvuleikjaspilun. Kerfisstjórar CCP þurfa því að fylgjast vel með því nýjasta í vél- og hugbúnaði og meta hvort og hvernig eigi að innleiða nýjungar meðal starfsmanna.

O’Brien segir reynsluna af uppsetningu og notkun Windows 7 hjá CCP verið mjög góða.

Við sem erum í rekstrardeildinni höfum ekkert nema gott um Windows 7 að segja. Nýju notendaskilin (User Interface, UI) eru vel hönnuð og auðvelda manni alla vinnu í stýrikerfinu. Nýjungar eins og að geta fest þá hluti við verkreinina (taskbar) sem maður notar mest og að sýna stærri myndir af opnum gluggum á verkreininni auðvelda manni vinnuna.

Sjá PDF skjal með reynslusögu CCP.

 

 

 


Mikill áhugi á Windows 7 á Íslandi

Það hefur vakið athygli Microsoft hversu öflug netumræða hefur skapast um Windows 7 á Íslandi.

Mun koma stýrikerfisins óvíða hafa leitt af sér jafn margar heimsóknir á vefi Microsoft eins og hér, sé miðað við markaðsstærð.

Fjallað var um stýrikerfið á hlutlausan hátt í DV í gær og er það einnig mest lesna fréttin á vefnum í dag.

dv_051109.jpg

 

 

 

 


Linux höfundur kátur yfir Windows 7

 

Linus Thorvalds var einn þeirra mörgu sem gladdist á útgáfudag Windows 7 enda maðurinn glöggur á það sem gott er. Hér er hann á útgáfudaginn og gefur okkur sterkar vísbendingar um gleði sína á stýrikerfinu.

Linux founder approves of Win 7

Útgáfudagurinn haldinn hátíðlegur

Í tilefni dagsins tóku Microsoft á Íslandi og Opin Kerfi sig til og héldu morgunverðarfund þar sem komu Windows 7 var fagnað.

HPIM2137-400

 

 

 

 

 

 

 

 

 

  

IMG_3614-400

 

 

 

 

 

 

 

 

 

 

Starfsmenn Opinna kerfa gæða sér á tertunni.

Fleiri myndir frá morgunverðarfundinum er hægt að sjá hér


Til hamingju með daginn!

Windows 7 er komið á markað. Það eru mjög góðar fréttir. 

Microsoft á Íslandi hefur ákveðið að lýsa upp höfuðstöðvar sínar við Engjateig næstu daga til að fagna útkomunni. 

 

Höfuðstöðvar Microsoft á Íslandi

 


Hulda og Sóley hjá Microsoft segja frá nokkrum nýjungum í Windows 7

Hulda Kristín Guðmundsdóttir og Sóley Jensdóttir, hjá Microsoft á Íslandi, nefna nokkur dæmi um nýjungar sem eru í boði í Windows 7.


Sérfræðingar hjá Opnum Kerfum segja frá Windows 7

Andrés Karl Sigurðsson og Guðmundur Zebitz, sérfræðingar hjá Opnum Kerfum ræða hér um Windows 7.


Upplifun Árna Matt á Windows 7

 

Árni Matthíasson, blaðamaður á Morgunblaðinu, segir frá sinni reynslu af Windows 7 en hann hefur verið að keyra beta útgáfuna.


Hvað er nýtt í Windows 7?



Það er heilmargt nýtt í Windows 7.

Kíkið á stutta glærukynningu á Slideshare þar sem við tæpum á því helsta.

 


Það borgar sig að vera vinur

Windows 7 Home Premium

Nú geta heppnir aðdáendur Windows 7 á Facebook átt von á því að detta í lukkupottinn.

Microsoft á Íslandi hefur ákveðið að gefa eina Windows 7 Home Premium uppfærslu að verðmæti 19.900 kr. daglega fram að útgáfudegi, þann 22. október.

---

Á útgáfudeginum sjálfum, næsta fimmtudag, verða svo gefnar 7 uppfærslur.

Alls eru þetta 10 Home Pemium pakkar sem hægt verður nálgast hjá Opnum kerfum á Höfðabakka á fimmtudaginn.

---

Nú rétt í þessu var fyrsti aðdáandinn dreginn út en það var Helgi Hrafn Halldórsson sem hreppti vinninginn að þessu sinni.

---

Hér er hægt er að fara inn á facebook-síðu Windows 7 á Íslandi, gerast aðdáandi og komast þannig í pottinn.

 


Goðafoss fer víða í Windows 7

 

Window

Gaman að það skuli hafa verið tekið eftir íslensku myndunum í kynningum á Windows 7. Takk Hermann. Forsagan er sú að í ágúst 2008 kom hópur frá höfuðstöðvum Microsoft ásamt 10 valinkunnum ljósmyndurum og dvöldu hér á landi hátt í tvær vikur við ljósmyndun. Þessi hópur gengur undir nafninu Icons of Imaging og eru margverðlaunaðir ljósmyndarar. Flestir ljósmyndarar hópsins komu til Íslands og heilluðust mjög af landi og þjóð. Skotnar voru þúsundir mynda og sumar þeirra hafa verið að sjást í Windows 7 forútgáfum eins og Goðafoss, Seljalandsfoss og falleg mynd tekin út um glugga á hótel Búðum.

Ekki er vitað hve mikið af þessum myndum hafa ratað í lokaútgáfur af Windows 7 en reglulega birtast myndir á forsíðu www.bing.com sem teknar voru í ferðinni. T.d. 17. júní var glæsileg mynd frá Núpsstað.

Kíkið endilega á viðtalið við John Shaw , Bambi Cantrell og fleiri viðtöl sem tekin voru í ferðinni.

Það er frekari frétta að vænta af Windows 7 og Íslandi fljótlega eftir 22. október þegar varan fer í almenna sölu.

lón


mbl.is Goðafoss fer víða í kynningu Microsoft
Tilkynna um óviðeigandi tengingu við frétt

Ör-námskeið um Windows 7 á þriðjudaginn hjá Ský



Þriðjudaginn
20. október kl. 16:30 – 18:00 ætlar SKÝ að standa fyrir stuttri kynningu á Windows 7 fyrir áhugasama sem vilja fá hnitmiðaða kynningu á Windows 7 en hafa lítinn tíma.

Námskeiðið verður haldið að Engjateigi 9 í salnum á neðstu hæð.

Skráning fer fram á vef SKÝ og þar er einnig að finna nánari dagskrá.


www.windows7.is komin í loftið

Jæja. Þá er búið að redda málunum.



Það höfðu margir tekið eftir því að hin marg auglýsta windows7.is var ekki að virka og góð ráð voru orðin vægast sagt dýr. Um tíma leit ekki út fyrir að þetta myndi lagast í bráð og þess vegna tóku jafn margir eftir því að slóðinni var skipt út fyrir w7.is.

Góðu fréttirnar eru að windows7.is komst loksins í loftið í nótt.

Ég held að Murphy gamla hafi verið skemmt þar sem nánast allt fór úrskeiðis á tímabili sem gat farið úrskeiðis.

Það var samt ekki allt því tæknin var í fínu lagi en röð mannlegra þátta gerði það að verkum að þetta var ekki að gerast. Enn einusinni erum við vitni af því að maðurinn hefur einstaka hæfileika til að bregðast og bæði náttúran og tæknin hlær að honum þegar sömu grundvallaratriðin klikka aftur og aftur.

Þegar kemur að hinu ómögulega er maðurinn samt  ansi snjall. Með staðfestu, útsjónarsemi og kerfisbundinni eftirfylgni tókst að laga röð mannlegra mistaka og vefsíðan kom í heiminn eftir erfiða fæðingu.

Móður og barni heilsast ágætlega.


Niðurtalning á forsíðu Fréttablaðsins

Glöggir lesendur Fréttablaðsins tóku eftir því í gær að þar er hafin niðurtalning til útgáfudagsins á Windows 7.

nidurtalning

22. okt kemur nýja stýrikerfið út á Íslandi og í heiminum öllum.

Margir eru þó búnir að keyra Windows 7 í marga mánuði og nýttu sér þá nýbreytni hjá Microsoft að leyfa öllum að hlaða niður Beta-útgáfu og undir það síðasta svokölluðum Release Candidate.


Íslensk sjónvarpsauglýsing

Það verða stuttar auglýsingar um Windows sýndar í sjónvarpi fram að 22. okt þegar nýja stýrikerfið kemur á markað.

Hér má sjá þá fyrstu:

 


Windows 7 samhæft við öll nýjustu forritin

paul_2005Paul Thurrot er bloggari sem skrifar mikið um Windows stýrikerfið.

Hann er búinn að vera að skrifa umfjöllun um ólíkar hliðar Windows 7 stýrikerfsins undanfarna daga og í fyrradag var það samhæfni við hin ýmsu forrit og vélbúnað sem Thurrot fjallaði um.

 

Unlike when Vista first shipped, Windows 7 is broadly compatible with all of the hardware and software that's currently being sold and used in the market.

Þetta er mjög mikilvægt því margir sem eru að velta fyrir sér að skipta í nýja stýrikerfið óttast áhrifin á þann hugbúnað sem þeir eru með uppsettan í tölvunni hjá sér.

Prófanir Thurrots eru í samræmi við reynslu flestra Íslendinga sem við höfum heyrt í. Samhæfnin er í langflestum tilfellum mjög góð.

Tékkið á inngangi Thurrots að Windows 7.

Ráðleggingum hans varðandi útgáfur.

Yfirferð hans um það sem er nýtt fyrir notendur.


Halldór svarar á Twitter

halldor Það eru ekki margir sem vita það en Halldór Jörgenson, forstjóri Microsoft á Íslandi, er einn öflugasti "twittari" landsins.

Halldór var snemma mættur bæði á Twitter og Facebook og kann að sögn mjög vel við þessa samskiptamáta.

Halldór býður þeim sem vilja að "fylgja" sér á Twitter og hann lofar að svara öllum fyrirspurnum sem beint er til hans þar.

Þannig að baunið endilega á hann öllu sem þið viljið vita um Windows 7.



Hér verður bloggað um Windows 7

Nú styttist óðum í að nýtt stýrikerfi frá Microsoft komi á markað. 

Fyrir flesta PC-eigendur eru það tímamót þegar nýtt stýrikerfi kemur á markað. Þetta er fjórða stóra uppfærslan frá árinu 1995 þegar að Windows 95 kom á markað. Windows 98 kom þrem árum síðar og hið geysivinsæla Windows XP kom á markað 2001. Margir eru enn að notast við það stýrikerfi en Windows Vista sem kom út 2006 hefur verið frekar umdeilt og þykir mörgum það of þungt í keyrslu.



Windows 7 er fyrsta stýrikerfið frá Microsoft sem krefst ekki öflugri vélbúnaðar en forveri sinn. Þetta nýja stýrikerfi hefur auk þess marga aðra kosti sem við hyggjumst gera góð skil hér á þessu hópbloggi á næstu dögum. 

Hér munu nokkrir helstu Microsoft sérfræðingar landsins fjalla um ýmislegt sem tengist Windows 7 og leitast við að svara íslenskum tölvunotendum um allt sem þeir kunna að vilja vita um þetta nýja stýrikerfi.

Þeir sem blogga eru:

Halldór Jörgensson, framkvæmdastjóri Microsoft á Íslandi
Hákon Davíð Halldórsson
, markaðsstjóri Opin kerfi
Andrés Karl Sigurðsson
, vörustjóri hugbúnaðar Opin kerfi
Andrés Jónsson, framkvæmdastjóri Góð samskipti
Helga Jóhanna Oddsdóttir
, forstöðumaður verkefnastofu Opin kerfi
Guðrún Birna Jörgensen, markaðsstjóri Microsoft á Íslandi
Árni Þór Jónsson
, framkvæmdastjóri launasviðs Opin kerfi
Guðmundur Zebitz
, vörustjóri tölvubúnaðar Opin kerfi
Herdís Ósk Helgadóttir, almannatengill Góð samskipti
Íris Kristjánsdóttir, viðskiptastjóri Opin kerfi
Pétur Bauer, framkvæmdastjóri innkaupa og dreifingar Opin kerfi

Sigurbergur Árnason, viðskiptastjóri Opin kerfi
Gylfi Sigurðsson, viðskiptastjóri Opin kerfi
Bloggið verður uppfært daglega og ykkur er velkomið að leggja orð í belg.

Windows 7 fær góða einkun hjá tölvubloggara

Davíð Pálsson kerfisfræðingur skrifar umsögn um Windows 7 á bloggi sínu í kvöld.

Hann segir meðal annars

Nokkur spenningur er eftir þessu nýja stýrikerfi en síðasta stýrikerfi Microsoft; Windows Vista sem kom út 2006, náði ekki að heilla marga tölvunotendur. Engu að síður þykir Vista mjög gott stýrikerfi og tekur fyrirrennara þess; Windows XP, langt fram um stöðugleika og öryggi. Sjálfsagt lagði Microsoft of mikla áherslu á öryggisþátt Vista, þannig að fólki þótti notkun þess full óþægileg í notkun. 

Endilega tékkið á færslunni hjá honum.


Um bloggið

Windows 7
Windows 7
Nokkrir tölvu-sérfræðingar skrifa um nýja stýrikerfið frá Microsoft. Windows 7 sem kemur á markað 22. október næstkomandi.

Spurt er

Hvaða stýrikerfi ertu með?

Innskráning

Ath. Vinsamlegast kveikið á Javascript til að hefja innskráningu.

Hafðu samband